Almaty mańynda avtobýs pen poıyz soqtyǵysyp, alty adam zardap shekti
ALMATY. KAZINFORM – Almaty oblysynda temirjol ótkelinde avtobýs pen poıyz soqtyǵysyp, saldarynan alty adam túrli jaraqat aldy.
Oqıǵa ornynda túsirilgen vıdeo áleýmettik jelide tarady.
Aldyn ala málimetterge qaraǵanda, jol-kólik apaty Boraldaı kenti mańynda bolǵan.
Almaty oblysy polıtsııa departamentiniń málimetinshe, Almaty – Boraldaı – Shamalǵan stantsııasy baǵytyndaǵy avtojoldaǵy temirjol ótkelinde jol erejesin buzǵan marshrýttyq avtobýs júrgizýshisi ákimshilik jaýapkershilikke tartyldy.
Vedomstvonyń baspasóz qyzmeti taratqan aqparatqa sáıkes, kómir stantsııasynan shyqqan poıyz ótkel arqyly qozǵalyp kele jatqan. Marshrýttyq avtobýstyń júrgizýshisi jol bermeı, soqtyǵysýǵa jol bergen.
Qazir bul oqıǵanyń mán-jaıyn anyqtaý úshin tekserý amaldary júrgizilip jatyr.
Eske salaıyq, buǵan deıin Qazaqstandaǵy temirjol torabynyń eki ýchaskesinde poıyz ben avtokólik soqtyǵysa jazdaǵanyn jazǵanbyz.
