Almaty mańynda avtobýs kópirden kóliktiń ústine qulady
QONAEV. KAZINFORM - Almaty-Bishkek avtojolynda avtobýs kópirden qulap tústi. Oqıǵanyń beınejazbalary áleýmettik jelide tarady.
Almaty oblysynyń Polıtsııa departamenti jol apaty faktisi boıynsha qylmystyq is qozǵalǵanyn habarlady.
- 12 qyrkúıekte Almaty-Bishkek avtojolynyń 25 shaqyrymynda Yutong Bus avtobýsynyń júrgizýshisi, burylý manevrin jasaı otyryp, rýldi basqara almaı qorshaýǵa soǵylyp, sodan keıin kópirden Mercedes Benz Sprinter kóliginiń artqy jaǵyna qulaǵany anyqtaldy. Apat kezinde eshkim qurban bolǵan joq, - dep habarlady oblystyq PD.
Sondaı-aq polıtsııa málimetine sáıkes, jol-kólik oqıǵasy saldarynan avtobýs júrgizýshisi túrli dene jaraqattarymen aýrýhanaǵa jatqyzylǵan. Al avtokólikter arnaıy avtoturaqqa ornalastyryldy.
Eske salaıyq, buǵan deıin Almaty oblysynda bıyl jańa 17 avtobýs baǵyty iske qosylǵanyn jazǵanbyz.
