Almaty mańynda 7 jasar balany avtobýs basyp ketti

QONAEV. KAZINFORM – Almaty qalasynyń kireberisinde ornalasqan «Asyl Arman» turǵyn úı kesheniniń aýmaǵynda oqýshyny avtobýs basyp ketti. 

Oqıǵa saldarynan 7 jasar bala qaıtys boldy. Bul derekti Almaty oblysynyń Polıtsııa departamenti rastady.

– 27 qarashada JAC avtobýsynyń júrgizýshisi «Asyl Arman» turǵyn úı kesheniniń turaq aýmaǵynda artqa júrgen kezde 7 jasar balany qaǵyp ketken. Ol alǵan jaraqattarynan oqıǵa ornynda kóz jumdy. Qazirgi ýaqytta sotqa deıingi tergeý júrgizilip jatyr, - dep habarlady oblystyq PD baspasóz qyzmeti.

Eske salaıyq, buǵan deıin Pavlodarda jantúrshigerik kólik apatynan 16 jasar qyz bala qaıtys bolǵanyn jazǵanbyz. 

Sondaı-aq Almaty oblysynda mas kúıinde traktor aıdaǵan azamat 2 jylǵa sottalǵanyn jazǵan edik.