Almaty qutqarýshylary aýa raıyna baılanysty eskertý jasady
ALMATY. KAZINFORM — Almaty qalasynyń Tótenshe jaǵdaılar departamenti daýyldy eskertýge sáıkes, 3 maýsym kúni qala aýmaǵynda naızaǵaı oınap, soltústik-batystan soǵatyn jeldiń kúsheıetini týraly habarlady.
Jel ekpini sekýndyna 18 metrge deıin jetýi múmkin. Sonymen qatar Bostandyq jáne Medeý aýdandarynyń taýly aımaqtarynda ótkinshi jańbyr, naızaǵaı jáne soltústik-batys jeliniń sekýndyna 15–20 metrge deıin kúsheıýi boljanyp otyr.
Osyǵan baılanysty TJD qala turǵyndary men qonaqtaryna qaýipsizdik sharalaryn saqtaýdy, aǵashtardyń, jarnamalyq qurylymdardyń jáne elektr jelileriniń mańynda bolmaýdy, avtokólikterdi qaýipti nysandardyń janyna, aǵashtardyń astyna qoımaýdy, sondaı-aq daýyldy eskertý kezeńinde taýly aımaqtarǵa barýdan bas tartýdy usyndy.
— Aýa raıynyń ózgerýin baqylap, tótenshe jaǵdaılar qyzmetteriniń eskertýin oryndańyzdar. Tótenshe jaǵdaı týyndaǵan jaǵdaıda 112 nómirine habarlasyńyz, — deıdi departamentten.
Eske salaıyq, Almatynyń Tımırıazev kóshesinde jer astynan sý atqylady.
