Almaty kóshesinde jańadan salynǵan trotýar opyrylyp qalǵan

ALMATY. KAZINFORM – Áleýmettik jeli qoldanýshylary Dostyq dańǵylyndaǵy atqarylǵan jumys nátıjesine shaǵymdandy.

Jelidegi sýretten jańadan otyryǵyzylǵan kóshet janyndaǵy trotýardyń opyrylyp ketkenin kórýge bolady.

Eske salaıyq, 2025 jyly Dostyq dańǵylyn Abaı dańǵylynan Ál-Farabı dańǵylyna deıingi aralyqta abattandyrý jumystary bastaldy. Merdiger uıym - «KDC Construction» JShS, bólingen qarjy - 2,35 mlrd teńge.

Almaty ákimdigi atalǵan jaǵdaıǵa baılanysty túsinikteme berdi. Resmı málimetke sáıkes, Sátbaev dańǵylynan joǵary birinshi jáne ekinshi kirme joldardyń arasyndaǵy ýchaskede aldymen iri kólemdi aǵashtardy otyrǵyzýǵa arnalǵan shuńqyrlar daıyndalǵan. Odan keıin iri kólemdi aǵashtardy otyrǵyzýǵa jaýapty uıym – TOO «GrınLand» – jerdi qunarly topyraqqa aýystyrǵan.

- Jer qazý jumystary men jańadan tóselgen topyraqtyń tabıǵı shógýi nátıjesinde atalǵan ýchaskede trotýar jabynynyń ýaqytsha otyrýy baıqaldy. 2026 jyldyń 5 qańtarynan bastap trotýrady qalpyna keltirý jumystary júrgizilip jatyr. Jabyndy normatıvtik jaǵdaıǵa keltirý jumystary jer tolyq turaqtanǵanǵa deıin jalǵasyp, keıingi monıtorıngpen birge belgilengen merzimde aıaqtalady, - dep habarlady ákimdikten.

Eske salaıyq, Almatyda Pýshkın kóshesiniń bir bóliginde jaıaý júrginshiler alleıasy salyndy.