Almaty kósheleriniń biri meıramǵa baılanysty 2 kúnge jabylady
ALMATY. KAZINFORM — Almatyda merekege baılanysty keı kóshelerge shekteý qoıylady.
Almaty ákimdiginiń málimetinshe, Naýryz merekesine oraı ótkiziletin is-sharalarǵa baılanysty Omarov kóshesinde avtokólik jáne qoǵamdyq kólik qozǵalysy 20–21 naýryz kúnderi ýaqytsha shekteledi. Shekteý is-shara qatysýshylary men qonaqtarynyń qaýipsizdigin qamtamasyz etý, sondaı-aq merekelik alańdy uıymdastyrý maqsatynda engiziledi.
— Qozǵalys baǵytyńyzdy aldyn ala josparlap, ýaqytsha qolaısyzdyqtarǵa túsinistikpen qaraýlaryńyzdy suraımyz, — dep habarlady ákimdikten.
Eske salaıyq, buǵan deıin Almatyda Naýryz meıramynda qaıda barýǵa bolatynyn jazǵanbyz. Bıyl qala boıynsha 200-den astam is-shara uıymdastyrylady. Merekelik negizgi alańdar — Astana alańy, Abaı alańy, Jibek joly dańǵylynyń júrginshiler aımaǵy jáne Panfılov kóshesi.
