Almaty kóshelerine taǵy da 50 myń kamera ornatylady
ALMATY. KAZINFORM – Almaty jyl sońyna deıin biryńǵaı beınemonıtorıng júıesine 50 myń kamera qosylady. Bul týraly megapolıstiń tsıfrlandyrý basqarmasy habarlady.
Jyl basynan beri qala ákimdiginiń jobalyq ofısiniń qoldaýymen biryńǵaı beınemonıtorıng júıesine 45 myń kamera qosyldy, al 2025 jylǵa qaraı olardyń sany 70 myńǵa deıin artady. Vıdeojazbalar 209 jeke jáne 613 memlekettik nysandardan alyndy.
Sonymen qatar, Almatyda jol qaýipsizdigin qamtamasyz etý úshin «Sergek» apparattyq-baǵdarlamalyq kesheniniń (ABK) 300 kamerasy ornatylǵan. Osylaısha, qazir 1 641 ABK jumys isteıdi.
Budan bólek, osy jyldyń sońyna deıin 71 densaýlyq saqtaý obektisiniń aýmaǵynda «Qaýipsizdiktiń keshendi júıesi» jobasyn iske asyrý aıaqtalady.
Osyǵan deıin Almatynyń beınebaqylaý júıelerine adamnyń bet-álpetin taný fýnktsııasy engiziletini týraly jazǵan edik.
Osy jyly bet-álpetti taný júıesiniń kómegimen 9 qylmysker anyqtalyp, ustalǵan.
