Almaty kóshelerinde taǵy 6 myń kamera paıda bolady

ALMATY. KAZINFORM – Almatyda «Biryńǵaı beınemonıtorıng júıesi» jobasyn iske asyrý jalǵasyp jatyr. Qazir júıege 45,2 myń beınekamera qosylǵan, olardyń ishinde 616 memlekettik jáne 240 jeke nysan bar. 2025 jyly Almatyda tsıfrlyq jobalardy damytýǵa 16,3 mlrd teńge bóliný josparlanyp otyr.

– 2025 jyly jańa bıýdjet aıasynda qarajat halyq kóp jınalatyn oryndar men «Sergek» apparattyq-baǵdarlamalyq keshenindegi 6 myń kamerany tehnıkalyq qyzmet kórsetýge baǵyttalady dep josparlanyp otyr. Bul keshenderdiń jumysy nátıjesinde megapolıste kólik apattarynyń sany 17%-ǵa, al jol apatynan qaza tapqandar sany 40%-ǵa azaıǵan. Qazirgi ýaqytta qalada osyndaı 1 641 keshen jumys isteıdi. Osy jyldyń 9 aıynda Almatyda 3 mln astam quqyqbuzýshylyq tirkelgen, onyń ishinde 18,7 mlrd teńgeden astam aıyppul bıýdjetke óndirildi, – dep atap ótti qalalyq máslıhattan.

Jobanyń negizgi maqsaty – qalanyń barlyq beınebaqylaý kamerasyn biriktirý úshin biryńǵaı platformany engizý. Bul beıneaǵyndardy naqty ýaqyt rejıminde taldaýǵa jáne olardy túrli mindetter úshin paıdalanýǵa múmkindik beredi.

– 2025 jyly Almatyda tsıfrlyq jobalardy damytýǵa 16,3 mlrd teńge bóliný josparlanyp otyr, – delingen habarlamada.

Osyǵan deıin Almaty kóshelerine 50 myń kamera ornatylǵany týraly jazǵan edik.