Almaty kóshelerin uzartýǵa 150-ge jýyq jer telimi alynady

ALMATY. KAZINFORM – Almatyda birneshe kósheni uzartý úshin jer telimderi memleket muqtajyna alynady.

Almaty qalasy ákimdiginiń 2025 jylǵy 22 qazandaǵy № 4/675-1295 qaýlysyna sáıkes, Raıymbek dańǵylyn uzartý úshin Jetisý kóshesinen Shyǵys aınalma avtomobıl jolyna deıin Jetisý jáne Medeý aýdandarynda ornalasqan 103 jer ýchaskesi memleket muqtajyna alynady.

Májbúrlep ıelikten shyǵarý merzimi 2028 jyldyń 31 jeltoqsanyna deıin belgilengen.

Odan bólek Almaty qalasy ákimdiginiń 2025 jylǵy 22 qazandaǵy № 4/675-1297 qaýlysymen Hmelnıtskıı kóshesin «Qaırat» shaǵyn aýdanynan Talǵar tas jolyna deıin uzartý úshin Medeý jáne Túrksib aýdandarynda ornalasqan 7 jer ýchaskesi májbúrli túrde alynady. Jer telimderi 2027 jyldyń 31 jeltoqsanyna deıin memleket menshigine alynýy tıis.

Sondaı-aq Almaty qalasy ákimdiginiń 2025 jylǵy 22 qazandaǵy № 4/675-1296 qaýlysymen Talǵar kúre jolyn Halıýllın kóshesinen qala shekarasyna deıin qaıta qurý úshin Medeý aýdanynda ornalasqan 33 jer ýchaskesi memleket muqtajyna alynady. Merzimi 2027 jyldyń 31 jeltoqsanyna deıin belgilengen.

Bul jer telimderiniń barlyǵy satyp alynǵan soń, Almaty qalasy jol ınfraqurylymyn damytý basqarmasynyń teńgerimine beriledi.

Eske salaıyq, buǵan deıin Hmelnıtskıı kóshesin uzartý úshin 27 ýchaske, Muqanov kóshesi úshin 7 ýchaske májbúrli túrde alynatynyn jazǵanbyz.