Almaty qoryǵyndaǵy sibir eligi vıdeoǵa túsip qaldy

Jelide Almaty qoryǵy aýmaǵynda túsirilgen sibir eliginiń vıdeosy paıda boldy. Vıdeo qoryqtyń resmı Instagram jelisinde jarııalanǵan. Beıne dron arqyly túsirilgen.

Sibir eligi (lat. Capreolus pygargus) — Almaty memlekettik tabıǵı qoryǵy aýmaǵynda tirshilik etetin 41 sútqorektiniń biri. Elik — qoryq aýmaǵynda ındıkatorlyq túrge jatady. 

Ol teńiz deńgeıinen 1200–3000 metr bıiktikte, aralas japyraqty ormandarda, qylqan japyraqty ormandarda, sýbalpi jáne alpi beldeýlerinde mekendeıdi. Bir shatqaldan ekinshisine aýysqanda 3000 metrge deıin kóterile alady.

Posmotret etý pýblıkatsııý v Instagram

Pýblıkatsııa ot Almatınskıı zapovednık (@bioreserve.almaty)

Elikter qoryq aýmaǵyndaǵy barlyq ósimdik túrlerimen qorektenedi.

Olar tańerteń, keshke jáne túnde belsendi.

Eliktiń balasyn «Eńlik» dep ataıdy. Eńlikter analarynyń janynda júredi, al atalyq elikter jeke tirshilik etedi. Eńlikter mamyr aıynda dúnıege keledi, alǵashqy bir aptada qozǵalyssyz kúıde shóp arasynda tyǵylyp jatady. Jazda elikter jeke ómir súrse, qystan kóktemge deıin toptasyp júredi.

Qazirgi tańda qoryq aýmaǵy júıeli túrde qorǵalyp, jabaıy ańdar úshin tynyshtyq kúıi saqtalýda.

Aıta ketelik qoryq qyzmetkeri Qyzyl kitapqa engen jyrtqysh ańdy sýretke túsirip alǵan edi.