Almaty qoryǵynda kúshikterin ertken ilbis fototuzaqqa tústi
ALMATY. KAZINFORM — Almaty memlekettik tabıǵı qoryǵynyń shatqaldaryna ornatylǵan fototuzaqtarǵa ilbistiń kúshikteri birneshe ret túsken.
Almaty qoryǵy tabıǵattyń tylsym tirshiliginen syr shertetin erekshe kadrlarmen bólisti. Onda ilbistiń kúshikteri bir-birimen alańsyz oınap, anasynyń qımylyn qaıtalap, ańshylyqqa qajet daǵdylardy úırenip júrgenin kórýge bolady.
— Іlbis nemese qar barysy — Qazaqstannyń Qyzyl kitabyna engen, sany azaıyp bara jatqan jyrtqysh. Onyń alandarymen birge fototuzaqqa túsýi — qoryq aýmaǵynda jabaıy tabıǵı ortanyń saqtalǵanyn jáne janýarlarǵa qolaıly jaǵdaı bar ekenin kórsetedi, — dep habarlady tabıǵı qoryq baspasóz qyzmeti.
Eske salaıyq, Іle Alataýy ulttyq parki 30 jylda ilbis sanyn tórt ese kóbeıtti.
Buǵan deıin Katonqaraǵaı aýdanynda 4 ilbis fototuzaqqa túsip qaldy.
