Almaty qoryǵynda erte oıanǵan qońyr aıýlar fototuzaqqa túsip qaldy
ALMATY. KAZINFORM – Almaty qoryǵynda mekendeıtin qońyr aıýlar qysqy uıqydan aqpan aıynyń sońy men naýryz aıynyń ortasy aralyǵynda oıana bastaıdy.
2026 jylǵy fototuzaq derekterine sáıkes, qysqy uıqydan oıanǵan aıý alǵash ret kameraǵa 13 naýryzda túsip qalǵan.
Qoryq aýmaǵynda qońyr aıýlar iri shatqaldardyń barlyǵynda derlik kezdesedi. Olar teńiz deńgeıinen 1200–3500 metr bıiktikte, aralas japyraqty ormandarda, qylqan japyraqty shyrshaly ormandarda, sýbalpilik jáne alpilik beldeýlerde tirshilik etedi.
Kóktemde taýda qardyń qalyń jatýyna baılanysty aıýlar taýdyń teriskeı betkeıine qaraǵanda, kúngeı betkeılerde jıirek júredi. Sebebi bul aımaqtarda qar erterek erip, qorek tabý múmkindigi mol bolady.
Aıta ketelik Almaty qoryǵynda kúshikterin ertken ilbis fototuzaqqa túsip qalǵan edi.
