Almaty — Qorǵas avtojolynda eki kólik soqtyǵysyp, úsh adam mert boldy
QONAEV. KAZINFORM — 23 maýsym kúni Almaty — Shelek — Qorǵas avtojolynyń 132-shaqyrymynda jol-kólik oqıǵasy boldy.
Oblystyq polıtsııa departamentiniń málimetinshe, Haval avtokóliginiń júrgizýshisi qarsy baǵyttaǵy jolaqqa shyǵyp ketip, Audi 100 avtokóligimen soqtyǵysqan. Jol-kólik oqıǵasy saldarynan Audi avtokóliginiń júrgizýshisi men eki jolaýshysy alǵan dene jaraqattarynan oqıǵa ornynda kóz jumdy. Polıtsııa bul derek boıynsha qylmystyq is qozǵady.
— Qazirgi ýaqytta qajetti tergeý áreketteriniń tolyq kesheni júrgizilip jatyr. Kináli júrgizýshi qamaýǵa alyndy. Oqıǵanyń barlyq mán-jaıy men sebepteri anyqtalyp jatyr. Tergeý barysy oblystyq polıtsııa departamenti basshylyǵynyń erekshe baqylaýynda, — dep habarlady departamentten.
Eske salaıyq, Kókshetaýda adam ólimimen aıaqtalǵan jol apatyna qatysty úkim shyqty.
