Almaty-Qonaev joly Alataý qalasynyń turǵyndaryna tegin bolady
ALATAÝ. KAZINFORM – Alataý qalasynyń turǵyndary Almaty – Qonaev avtojolynyń aqyly ýchaskesi boıynsha tegin júrip-turý quqyǵyna ıe boldy.
Alataý ákimdiginiń málimetinshe, atalǵan tas jolda tegin júrip-turý jańadan qurylǵan qalada tirkelgen kólik quraldaryna abonenttik tólemsiz usynylady.
– Atalǵan sheshim Almaty – Qonaev avtomobıl jolynyń áleýmettik mańyzy bar nysan ekenin eskere otyryp qabyldandy. Bul jol Alataý qalasyn Almaty qalasymen jáne oblys ortalyǵy – Qonaev qalasymen baılanystyratyn negizgi ári is júzinde jalǵyz kólik qatynasynyń joly, - delingen málimdemede.
Ákimdik kólik quraldary buryn Іle aýdanynda tirkelgen Alataý qalasynyń turǵyndaryna kólik quralynyń tehnıkalyq pasportyn jańartý qajet ekenin eskertti. Qujatty jańartý kezinda memlekettik tirkeý nómir aýyspaıdy. Al qyzmet quny — 1,25 AEK (5 406 teńge).
– Tehnıkalyq pasport jańartylǵannan keıin kólik quraly Alataý qalasynda avtomatty túrde esepke alynyp, Almaty – Qonaev aqyly jol ýchaskesi boıynsha tegin júrip-turý quqyǵy beriledi, - dep habarlady ákimdik.
Eske salaıyq, 2026 jyly aqyly joldar arqyly júrý quny qansha teńge bolatynyn jazǵanbyz.