Almaty – Qonaev aqyly jolynda kimder tegin júre alady

ALMATY. KAZINFORM – Almaty – Qonaev aqyly jol ýchaskesinde tegin júrý tártibi ákimshilik-aýmaqtyq ózgeristerge baılanysty qaıta qaraldy. «QazAvtoJol» ulttyq kompanııasy turǵyndardan túsken saýaldarda kóterilgen máselelerdi resmı túsindirdi.

Kompanııanyń málimetinshe, másele Qazaqstan Respýblıkasynyń «Avtomobıl joldary týraly» 2001 jylǵy 17 shildedegi zańynyń 5-2-baby 2-tarmaǵyna sáıkes retteledi. Bul normaǵa sáıkes, aqyly jolǵa irgeles aýdandarda tirkelgen jeke jáne zańdy tulǵalardyń jeńil avtokólikteri, sondaı-aq sol aýmaqta tirkelgen avtobýstar bir aýdan sheginde qozǵalǵan jaǵdaıda aqy tóleýden bosatylady.

– Buǵan deıin Almaty – Qonaev aqyly ýchaskesi Іle aýdanynyń aýmaǵy arqyly ótkendikten, osy aýdanda tirkelgen jeńil kólikter men avtobýstar jol aqysynan bosatylǵan bolatyn. Alaıda keıin Almaty oblysynyń ákimshilik-aýmaqtyq qurylymyna ózgerister engizilip, atalǵan jol ýchaskesi Іle aýdanynyń ornyna Alataý qalasynyń aýmaǵyna ótken, - delingen habarlamada.

Osyǵan baılanysty Alataý qalasy ákimdigi Kólik mınıstrligine, Avtomobıl joldary komıtetine jáne «QazAvtoJol» AQ-ǵa tıisti hat joldaǵan.

Nátıjesinde, 2026 jylǵy 30 qańtardan bastap Almaty – Qonaev aqyly jol ýchaskesi boıynsha tólem esepteý júıesinde Іle aýdany Alataý qalasyna aýystyryldy. Osyǵan baılanysty Іle aýdanynda tirkelgen kólik ıeleri bul ýchaskede tegin júrý quqyǵynan aıyryldy.

Qazirgi qoldanystaǵy tártipke sáıkes, atalǵan jolmen Alataý qalasynda tirkelgen kólik quraldary ǵana tegin júre alady.

Sonymen birge Іle aýdanynda tirkelgen kólikter úshin Almaty – Qorǵas jolynda sol aýdan aýmaǵynan shyqpaı júrgende tegin júrý quqyǵy saqtalady.

Kompanııa barlyq kólik túri úshin balama retinde aqyly jol ýchaskelerinde júrýge bir aılyq nemese bir jyldyq abonement (jyldyq quny – 1 AEK) rásimdeý múmkindigi bar ekenin de eske saldy.

Eske salaıyq, buǵan deıin Alataý qalasynyń turǵyndary Almaty – Qonaev avtojolynyń aqyly ýchaskesi boıynsha tegin júrip-turý quqyǵyna ıe bolǵanyn jazǵanbyz.