Almaty kolonııasynda sottalǵandardyń sýıtsıd jasaǵany ras pa - QAJK jaýaby
ALMATY. KAZINFORM – Áleýmettik jelilerde Almatydaǵy túzeý mekemeleriniń birinde eki sottalǵan azamat óz-ózine qol jumsaǵany týraly aqparat tarady.
Qylmystyq-atqarý júıesi komıtetiniń ókilderi jelide taralǵan qaýesettiń shyndyqqa janaspaıtynyn málimdedi.
— Almaty mekemelerinde eki sottalǵan azamattyń óz-ózine qol jumsaǵany týraly tarap jatqan aqparat shyndyqqa janaspaıdy, — dep habarlady QAJK.
Vedomstvo málimetinshe, qaladaǵy qylmystyq-atqarý júıesi mekemeleri, sondaı-aq tutas júıe shtattyq rejımde jumys istep tur. Jaǵdaı turaqty.
Sonymen qatar komıtet kórineý jalǵan aqparat taratqany úshin Qazaqstan Respýblıkasynyń zańnamasynda jaýapkershilik qarastyrylǵanyn eske saldy.
Vedomstvo tek resmı ári senimdi aqparat kózderine súıenýge shaqyrdy.
Eske salaıyq, Jambyl oblysynda probatsııa talaptaryn buzǵan eki azamat túzeý mekemesine jiberildi.
