Almaty kınoteatrlarynda ınternet-alaıaqtyq týraly beınerolık kórsetilip jatyr

ALMATY. KAZINFORM — Almaty kınoteatrlarynda ınternet-alaıaqtyqtyń aldyn alý týraly beı̆nerolıkter kórsetilip jatyr.

Almaty qalasy Poltsııa departamentiniń málimetine sáıkes, polıtsııa áleýmettik rolıkter, sıýjetter, reportajdar arqyly quqyq buzýshylyqtar men qylmystardyń aldyn alýǵa erekshe kóńil bólip otyr.

«Aqparattyq tehnologııanyń qarqyndy damyǵan zamanynda, ókinishke qaraı̆, qylmystyń da túrleri men ádisteri jetildirilip keledi. Sondyqtan árkim ózin jáne jeke derekterin qorǵaı̆ alýy óte mańyzdy. Internet-alaıaqtyqtyń aldyn alý aıasynda burynyraq qylmyskerlerdiń eń tanymal ádisteri týraly aqparattyq paraqshalar men alaıaqtardyń qurbany bolmaý týraly keńester jazylǵan broshıýralar daı̆yndalyp, taratyldy. Qazirgi ýaqytta keń aýdıtorııaǵa arnalǵan medıa ónimder jasaldy. Áleýmettik rolıkter qalalyq kınoteatrlarda, BAQ jáne áleýmettik jelilerde kórsetilip jatyr», — dedi Áýezov aýdandyq polıtsııa basqarmasynyń bastyǵy Danııar Meńdebaev.

Eske salaıyq, buǵan deıin alaıaqtar qalaı 1414 nómirinen SMS jiberetinin jazǵanbyz. 

Sondaı-aq Qyzylorda oblysynda bıyl ınternet-alaıaqtyq qylmysynyń 199 deregi tirkelgenin jazǵan edik.