Almaty qalasynyń máslıhatyna jańa depýtat saılandy

ALMATY. KAZINFORM – Qazaqstan Respýblıkasynyń «Saılaý týraly» Zańyna sáıkes, Qazaqstan halyq partııasynyń tizimi boıynsha depýtattyq mandat Ǵazız Jánibek Ǵazızulyna berildi.

Qalalyq máslıhat málimetinshe, ol eńbek jolyn 2019 jyly halyqaralyq kompanııada kommertsııalyq dırektordyń assıstenti bolyp bastap, keıin jappaı satý bóliminiń jetekshisi qyzmetin atqarǵan. 2022 jyldyń jeltoqsanynan 2024 jyldyń naýryzyna deıin QHP Almaty qalalyq fılıaly apparatyna jetekshilik etti.

Al 2024 jyldyń sáýirinen 2025 jyldyń qyrkúıegine deıin fılıal tóraǵasynyń birinshi orynbasary qyzmetin atqardy. Qazirgi ýaqytta «Omir Group LTD» kompanııasynyń bas dırektory ári Qazaqstan alpınızm jáne sporttyq quzǵa órmeleý federatsııasy prezıdentiniń shtattan tys keńesshisi.

Eske salaıyq, ótken máslıhat sessııasynda Almaty qalasy máslıhatynyń depýtaty Nursultan Shoqanov óz erkimen ókilettigin merziminen buryn toqtatty.