Almaty qalasynda jergilikti avtobólshekter óndirisi ashylýy múmkin
ASTANA. KAZINFORM – Memleket basshysyna Qazaqstan men Ońtústik Koreıanyń ınvestıtsııalyq jobalary tanystyryldy, dep habarlaıdy Aqorda.
Prezıdent Qasym-Jomart Toqaevqa ekonomıkanyń túrli salasynda iske asyrylatyn Qazaqstan men Koreıa Respýblıkasynyń birlesken ınvestıtsııalyq jobalary jóninde málimet berildi.
Usynylǵan bastamalardyń qatarynda Almaty qalasynda jergilikti avtobólshekter óndirisin ashý jobasy bar. Onyń aıasynda otandyq avtozaýyttardyń suranysyna saı kóliktiń báseńdetkishin, oryndyq qaptamasyn, eden jabyny men symdar býdasyn, sondaı-aq dóńgelek dıskilerin shyǵarý josparlanyp otyr.
Sonymen qatar Memleket basshysyna Qostanaı qalasynda KIA kompanııasynyń Lokalızatsııa ortalyǵy ashylatyny týraly baıandaldy. Onda esik panelderi, ortalyq konsoldar, oryndyqtar, tóbe jáne eden qaptamalary, bamperler men avtomobıldiń basqa da bólshekteri óndirilmek.
Budan bólek, Prezıdentke medıtsınada qoldanylatyn ýltradybysty dıagnostıka júıelerin shyǵarý, Almaty qalasynda koreılik basqarý úlgisi men zamanaýı medıtsına tehnologııalary qoldanylatyn kópbeıindi aýrýhana salý, drondar qurastyrý sekildi mańyzdy jobalar kórsetildi.
Aıta keteıik, Koreıalyq KIND kompanııasy Alataý qalasyn damytýǵa qatysýy múmkin.
