Almaty qalasynda jasóspirimder arasynda Rolan Garrosqa irikteý týrnıri bastaldy
ALMATY. KAZINFORM — Almaty qalasyndaǵy Gorky Tennis Park tennıs ortalyǵynda 17 jasqa deıingiler arasynda 2025 jylǵy Frantsııa ashyq chempıonatyna irikteý týrnıriniń jerebesi tartyldy.
Qazaqstan tennıs federatsııasynan málim etkenindeı, atalmysh jarysqa Ortalyq jáne Batys Azııadan Qazaqstan, Ózbekstan, Iran, Qyrǵyzstan, Iordanııa, Lıvan jáne Túrkmenstannan 16 oıynshy qatysyp, baq synaıdy.
Qazaqstan namysyn Albına Kákenova, Sátıma Tóregen, Aııa Myrzaqulova, Kıra Ertman, Sábına Shýhratova, Krıstına Krýchenko, Sofııa Isakova, Evelına Balaganskaıa, Damır Dúısenǵazın, Tımýr Saýlenko, Anatolıı Tsybýlko, Oljas Esenaly, Arsenıı Trebýhın, Zýlfar ıÝnýs qorǵaıdy.
Almaty qalasynda Rolan Garrosqa irikteý saıysy alǵash ret uıymdastyrylyp otyr. Jarys jeńimpazdary Japonııaǵa baryp, Rolan Garros joldamasy úshin synǵa túsedi.
Eske sala keteıik, budan buryn Novak Djokovıchtiń Olımpıada oıyndarynyń chempıony atanǵanyn jazǵan bolatynbyz.
Sondaı-aq qazaqstandyq jasóspirim tennısshiler Serbııadaǵy jarysta úzdik shyqty.
