Almaty qalasynda uzaq ýaqyt paıdalanylmaǵan jer ýchaskesi sot sheshimimen tárkilendi

ALMATY. KAZINFORM – Almatyda avtokólik jýý ortalyǵy, janarmaı quıý stantsııasyn sondaı-aq qonaq úı salýǵa arnalǵan, alaıda osy kúnge deıin tıisti maqsatqa paıdalynylmaǵan jer tekserildi. Bul týraly QR AShM baspasóz qyzmeti málim etti. 

Aýyl sharýashylyǵy mınıstrligine qarasty Jer resýrstaryn basqarý komıteti onyń ishinde Almaty qalasy Jer resýrstaryn basqarý departamenti Medeý aýdanynyń Besaǵash aýyldyq okrýginde ornalasqan aýdany 0,5600 gektar jer ýchaskesine tekserý júrgizdi. Jer ýchaskesi tehnıkalyq qyzmet kórsetý stantsııasyn, avtokólik jýýdy, janarmaı quıý stantsııasyn jáne qonaq úıdi salýǵa arnalǵan.

Tekserý barysynda bul atalǵan jer nysanaly maqsaty boıynsha paıdalanylmaǵany jáne qaraýsyz qalǵany anyqtaldy. Departament sot arqyly talap qoıyp, memleket menshigine qaıtardy.

Almaty qalasy sotynyń sheshimimen talap tolyq kólemde qanaǵattandyryldy.

Eske sala keteıik, buǵan deıin 11 mln gektar jer memleketke qaıtarylǵanyn jazǵan bolatynbyz.