Almaty qalasynda qansha soǵys ardageri turady

ALMATY. KAZINFORM – Qazir Almatyda 23 soǵys ardageri bar.

Almaty ákimdiginiń málimetinshe, Jeńistiń 80 jyldyǵyna oraı árbir soǵys ardagerine memleket tarapynan 5 mln teńgeden syıaqy beriledi. Sondaı-aq osy sanatqa teńestirilgen 1457 ardager turady.

Ekinshi dúnıejúzilik soǵys qatysýshylaryna áleýmettik qoldaýdan bólek, aı saıyn 6,5 AEK nemese 25558 teńge arnaýly memlekettik járdemaqy tólenedi.

Sonymen qatar, qalanyń joǵary oqý oryndary men kolledjderi men mektepterinde patrıottyq is-sharalar, jaýyngerlik is-qımyl ardagerlerimen kezdesýler jáne taqyryptyq «Erlik sabaqtary» ótip jatyr.

Resmı derekke súıener bolsaq, soǵys jyldary maıdanǵa 1,3 mln qazaqstandyq shaqyryldy. Qazaqstannyń 100 myńnan astam sarbazy jaýyngerlik ordendermen jáne medaldarmen marapattaldy, 500-den astam adam Keńes Odaǵynyń Batyry atandy.

Buǵan deıin Prezıdent Teleradıokesheni soǵys ardageri Jaqan Seısebaevty ǵasyr jasymen quttyqtaǵan bolatyn.