Almaty qalasynda dámhana órtendi
ASTANA. KAZINFORM — Búgin Almaty qalasynyń 112 pýltine Jetisý aýdanyndaǵy kafeden órt shyqqany týraly habarlama tústi, dep jazdy TJM baspasóz qyzmeti.
Órt sóndirýshiler oqıǵa ornyna jetken kezde, dámhananyń tolyq janyp jatqany anyqtaldy. Sý tasymaldaýshy avtotsısternalar jaqyn mańdaǵy, shamamen 100 metr qashyqtyqta ornalasqan órt gıdranttaryna dereý qosyldy.
Qaýipsizdikti qamtamasyz etý maqsatynda kórshi úıdiń eki turǵyny qaýipsiz jerge shyǵaryldy.
— Órtti sóndirý barysynda janyp jatqan dámhanadan 5 gaz ballony shyǵarylyp, yqtımal jarylystyń aldyn aldy. Sondaı-aq órttiń kórshiles jeke turǵyn úılerge taralýyna jol berilmedi. Órttiń shyǵý sebebi anyqtalyp jatyr, — delingen habarlamada.
Buǵan deıin Aqmola oblysynyń ortalyǵynda eki páterli jeke turǵyn úıde órt bolyp, eki gaz ballony jarylǵan bolatyn.
