Almaty qalasynda aýa sapasy nasharlaıdy

ASTANA. KAZINFORM - «Qazgıdromet» RMK Qazaqstan qalalaryndaǵy aýa sapasyna qatysty boljamdy jarııalady.

Sınoptıkterdiń boljamy boıynsha, 3 qarashada aýa lastanýynyń qolaısyz meteorologııalyq jaǵdaıy tek Almaty qalasynda ǵana bolady.

Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.

Keshe de Almaty qalasynda aýa sapasynyń nasharlaǵany týraly jazdyq.