Almaty qalasynan basqa óńirde jataqhana tapshylyǵy joq – mınıstr

ASTANA. KAZINFORM – Bıyl 10 439 oryndyq 29 jataqhana paıdalanýǵa beriledi. Bul týraly Úkimet otyrysynda Ǵylym jáne joǵary bilim mınıstri Saıasat Nurbek aıtty. 

– Stýdentter úshin oqý jylynyń basynda mańyzdy máselelerdiń biri – jataqhanaǵa ornalasý. Prezıdent tapsyrmasy aıasynda biz 82 myń tósek-oryn tapshylyǵyna 10 myńǵa deıin qysqarttyq. Bıyl Almaty qalasynan basqa óńirde jataqhanaǵa degen tapshylyq joq. 2025 jyly 10 439 oryndyq 29 jataqhana paıdalanýǵa beriledi, - dedi mınıstr.

Onyń atap ótýinshe, Astana men Almaty qalaryna stýdentter kóp keledi. Sondyqtan ótken jyldardyń tájirıbesin eskere otyryp, ahýal, daǵdarys ortalyqtary uıymdastyrylǵan.

– Jalpy, 55 jataqhana rezervte tur. Aıtalyq, stýdent kelip oryn taba almaǵan jaǵdaıda ony birden daǵdarys ortalyǵyna jiberemiz. Jataqhanaǵa ornalasý úshin beriletin ótinishtiń formaty ońtaılandyryldy. Ótken jyldan bastap stýdentterge jataqhana berý qyzmeti avtomattandyrylǵan proaktıvti formatqa kóshirildi. Proaktıvti formatty iske asyrý úshin «Smart Data Ukimet» júıesi men «Joǵary bilim berýdiń biryńǵaı platformasy» aqparattyq júıesi biriktirildi, - dedi Saıasat Nurbek.

Eske sala keteıik, buǵan deıin Almatyda stýdentterdi jataqhanamen qamtamasyz etý úshin Ahýaldyq ortalyq ashylǵanyn jazǵan edik.