Almaty qalasy Tekserý komıssııasynyń jańa tóraǵasy taǵaıyndaldy

ALMATY. KAZINFORM – Almaty máslıhatynyń kezekten tys sessııasynda Almaty qalasy boıynsha Tekserý komıssııasynyń tóraǵasy bolyp Ardaq Baıymbetov taǵaıyndaldy.

Ol 2001 jyl Kókshetaý ekonomıka jáne menedjment ınstıtýty, 2013 jyly E.A.Bóketov atyndaǵy Qaraǵandy memlekettik ýnıversıtetin támamdaǵan.
Ár jyldary Respýblıkalyq bıýdjettiń atqarylýyn baqylaý jónindegi Esep komıtetiniń memlekettik aýdıt bóliminiń bas sarapshysy – memlekettik aýdıtory,

Memlekettik basqarý jáne áleýmettik sala aýdıti bóliminiń adamı kapıtaldy damytý aýdıti sektorynyń bas konsýltanty – memlekettik aýdıtory, Áleýmettik sala jáne quqyqtyq tártip aýdıti bóliminiń adamı kapıtaldy damytý aýdıti sektorynyń bas konsýltanty – memlekettik aýdıtory jáne ózge de qyzmetterdi atqarǵan.

Sondaı-aq Qazaqstan Respýblıkasy Prezıdenti Іs basqarmasynyń «Materıaldyq-tehnıkalyq qamtamasyz etý basqarmasy» memlekettik mekemesi basshysynyń orynbasary jáne Qazaqstan Respýblıkasy Energetıka mınıstrliginiń Іshki aýdıt departamentiniń dırektory – memlekettik aýdıtor boldy.

Eske salaıyq, bıyl tamyz aıynda Almaty qalasy boıynsha Tekserý komıssııasynyń tóraǵasy Altaı Berdiqulov qyzmetinen ketti.