Almaty qalasy men oblysta elektr energııasynyń baǵasy ósedi
ALMATY. KAZINFORM — «Alataý Jaryq Kompanııasy» AQ fılıaly — «Energosbyt» bıyl 12 qyrkúıekten bastap óńirde elektr energııasynyń baǵasy kóteriletini týraly habarlady.
«Energosbyt» málimetine qaraǵanda, 12 qyrkúıekten bastap Almaty qalasy men Almaty oblysynyń tutynýshylary úshin tarıfteri ózgeredi. Oǵan 2026 jyldyń 15 shildesinen bastap «JEK qoldaý jónindegi qarjy-esep aıyrysý ortalyǵy» JShS Biryńǵaı satyp alýshysynan elektr energııasyn satyp alý baǵasynyń 13 teńge/kVtsaǵattan 16 teńge/kVtsaǵatqa deıin, ıaǵnı 23%-ǵa ósýi sebep bolǵan.
Tutynýshylar toptary boıynsha:
1-top: elektr energııasyn taýarlardy, jumystardy óndirýmen (satýmen) jáne kórsetiletin qyzmetterdi usynýmen baılanysty emes, ózderiniń turmystyq muqtajdary úshin paıdalanatyn turmystyq tutynýshylar — 1 kVtsaǵ. úshin QQS-syz 32,69 teńge (1 kVtsaǵ. úshin QQS-pen 37,92 teńge);
2-top: elektr energııasyn turmystyq qajettilikteri úshin paıdalanbaıtyn tutynýshylar — 1 kVtsaǵ. úshin QQS-syz 43,13 teńge (1 kVtsaǵ. úshin QQS-pen 50,03 teńge);
3-top: memlekettik mekemeler, memlekettik kásiporyndar, aktsııalary memleketke tıesili zańdy tulǵalar jáne Qazaqstan Respýblıkasy Ulttyq Bankiniń qurylymyna kiretin uıymdardy, tikeleı nemese janama túrde ulttyq ınvestıtsııalyq holdıngke, ulttyq kompanııaǵa tıesili olarmen úlestes zańdy tulǵalar, ulttyq ınvestıtsııalyq holdıng, ulttyq kompanııalar men uıymdar — 1 kVtsaǵ. úshin QQS-syz 43,43 teńge (1 kVtsaǵ. úshin QQS-pen 50,38teńge);
4-top: arnaıy ekonomıkalyq jáne ındýstrııalyq aımaqtardyń aýmaǵynda ornalasqan tutynýshylar, Qazaqstan Respýblıkasy Prezıdentiniń Іs basqarmasynyń vedomstvolyq baǵynysty uıymdary jáne onyń vedomstvolary, áleýmettik mańyzy bar azyq-túlik taýarlaryn óndirýshiler — 1 kVtsaǵ. úshin QQS-syz 39,30 teńge (1 kVtsaǵ. úshin QQS-pen 45,59 teńge).
Jeke tulǵalar men tutynýshylar úshin elektr energııasyn tutyný kólemine qaraı saralanǵan tarıf:
- 1-deńgeıdegi tarıf — 1 kVtsaǵ. úshin QQS-syz 29,55 teńge (1 kVtsaǵ. úshin QQS-pen 34,28 teńge);
- 2-deńgeıdegi tarıf — 1 kVtsaǵ. úshin QQS-syz 39,23 teńge (1 kVtsaǵ. úshin QQS-pen 45,51 teńge);
- 3-deńgeıdegi tarıf — 1 kVtsaǵ. úshin QQS-syz 49,04 teńge (1 kVtsaǵ. úshin QQS-pen 56,89 teńge).
Eske salaıyq, apta ishinde Almatynyń keı aýdandarynda ýaqytsha jaryq óshiriletinin jazǵanbyz.
