Almaty qalasy men oblysynda otbasy múshelerimen birge esirtki taratýshylar ustaldy
ASTANA.KAZINFORM - Іshki ister mınıstrligi «Zań men Tártip» qaǵıdaty aıasynda esirtki jetkizý arnalary men olardyń taralýyn anyqtaý jáne jolyn kesý boıynsha júıeli jumysty jalǵastyrýda, - dep habarlaıdy Polisia.kz.
- Esirtki qylmysyna jaqyn týystardyń tartylý faktileri jıilep keledi, ıaǵnı «otbasylyq shemalar» qalyptasyp jatyr,-delingen habarlamada.
Almaty qalasynda eki aǵaıyndy shamamen bir kılogramm sıntetıkalyq alfa-PVP esirtkisin tasymaldaý kezinde ustaldy. Buryn sottalǵan aǵasy inisin qylmysqa tartqan. Tutqyndaý barysynda olardan qarý jáne oq-dáriler tárkilendi.
Almaty oblysynda eki aǵaıyndy uıymdastyrǵan fıtozerthana joıyldy. Jalǵa alynǵan úıde keıinnen ótkizý maqsatynda asa iri kólemde marıhýana ósirilgen. Jalpy salmaǵy 61 kılogramm bolatyn 102 túp marıhýana ósimdigi bar qumyralar, sondaı-aq jaryqdıodty fıtoshamdar, jeldetý júıeleri jáne ózge de jabdyqtar tárkilendi.
Almaty turǵyny ápkesiniń senimin paıdalanyp, onyń páterinde esirtki qaptaǵan. Ustaý kezinde 100-den astam zip-lock paket jáne shamamen 500 gramm mefedron tárkilendi. Cáýir aıynyń on kúninde zańsyz aınalymnan bir tonnaǵa jýyq esirtki, onyń ishinde 800 keliden astam sıntetıkalyq túrleri tárkilendi.
Barlyq kúdiktiler ýaqytsha ustaý ızolıatoryna qamaldy. Atalǵan faktiler boıynsha QR QK 297-baby 3-bóligimen sotqa deıingi tergep-tekserý júrgizilip jatyr. Baptyń sanktsııasynda múlki tárkilenip, 12 jylǵa deıin bas bostandyǵynan aıyrý jazasy kózdelgen.
-Esirtki qylmysyna qarsy kúres ІІM qyzmetiniń basym baǵyttarynyń biri bolyp qala beredi. Esirtki óndirý men taratýdyń kez kelgen áreketi qatań túrde toqtatylady. Bul baǵyttaǵy jumys jalǵasýda, - dedi ІІM esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.
ІІM jyl basynan beri shamamen úsh tonna esirtkiniń aınalymǵa shyǵýyna tosqaýyl qoıdy.
