Almaty qalasy men Almaty oblysynyń taýlarynda sel jaǵdaıyna aerovızýaldy tekserý júrgizildi
ASTANA. KAZINFORM - Qazseldenqorǵaý mamandary Almaty qalasy ákimdiginiń, Almaty qalasy jáne Almaty oblysy TJD ókilderimen birlesip, QR TJM «Qazavıaqutqarý» AQ-nyń Mı-8 AMT tikushaǵymen taýly aýmaqqa aerovızýaldy tekserý júrgizdi.
Tekserý Іle Alataýy jotasynyń soltústik bóligin - Qaskeleń ózeni alabynan bastap Túrgen ózeni alabyna deıingi aýmaqty qamtydy.
Monıtorıngtiń negizgi maqsaty - muzdaq kólder men muzdyq keshenderdiń, sel arnalarynyń jaı-kúıin jáne óńirdegi jalpy sel jaǵdaıyn baǵalaý boldy.
Tekserý nátıjeleri boıynsha muzdaq kólderdiń basym bóligi maýsymdyq tolý kezeńinde ekeni anyqtaldy. Sonymen qatar, bıik taýly aımaqtaǵy kólder qysqy rejımnen áli tolyq shyqpaǵan. Keıbir kólder ornalasý bıiktigi men betkeı ekspozıtsııasyna baılanysty áli de tolyqtaı muz ben qar jamylǵysynyń astynda jatyr. Betki aǵyndar jekelegen ýchaskelerde ǵana baıqalady. Ózenderde sý laılylyǵynyń artý belgileri tirkelgen joq. Taýly aımaqtardaǵy qar jamylǵysynyń qalyńdyǵy 20-dan 50 santımetrge deıin jetedi. Qar syzyǵy teńiz deńgeıinen 3300-3500 metr bıiktikte ornalasqan.
Tekserý qorytyndysy boıynsha Almaty qalasy men Almaty oblysy ózenderi alaptaryndaǵy sel jaǵdaıy turaqty dep baǵalanady.
Aıta ketelik Shyǵys Qazaqstandaǵy 144 morenalyq kól turaqty baqylaýǵa alynǵan edi.
