Almatynyń memlekettik múlik jáne jekeshelendirý departamentine jańa basshy keldi
ALMATY. KAZINFORM — Serik Janaıdarov Almaty qalasy memlekettik múlik jáne jekeshelendirý departamentiniń basshysy bolyp taǵaıyndaldy. Bul týraly memlekettik múlik jáne jekeshelendirý komıtetiniń baspasóz qyzmeti habarlady.
Janaıdarov Serik Tleýhanuly 1968 jyly Qostanaı oblysy, Amangeldi aýdany, Búırektal aýylynda týǵan. 1994 jyly Abaı atyndaǵy Almaty memlekettik ýnıversıtetin orta mekteptiń tarıh muǵalimi mamandyǵy boıynsha bitirgen.
1999 jyly Almaty Zań ınstıtýtyn zańger mamandyǵy boıynsha bitirgen. 2016 jyly Ál-Farabı atyndaǵy Qazaq ulttyq ýnıversıtetin «Ekonomıka jáne bıznes» bakalavry boıynsha bitirgen.
2024 jylǵy 1 shildeden 2025 jyldyń 8 mamyryna deıin QR QM Memlekettik múlik jáne jekeshelendirý komıtetiniń Shymkent qalasy memlekettik múlik jáne jekeshelendirý departamentiniń basshysy bolyp qyzmet atqardy.
Qazaqstan Respýblıkasy Qarjy mınıstrliginiń «Keden qyzmetiniń úzdigi» tósbelgisimen, Qazaqstan Respýblıkasy Qarjy mınıstrliginiń «Memlekettik kirister organdarynyń úzdigi» tósbelgisimen, «Qazaqstan Respýblıkasynyń Konstıtýtsııasyna 25 jyl» merekelik medalimen, «Qazaqstan Respýblıkasynyń Táýelsizdigine 25 jyl» merekelik medalimen marapattalǵan.
Osyǵan deıin Egemberdy Erǵalı Qýandyquly Qarjy mınıstrligi Memlekettik múlik jáne jekeshelendirý komıtetiniń tóraǵasy bolyp taǵaıyndalǵany týraly jazǵan edik.
Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.