Almaty qalasy boıynsha Tekserý komıssııasynyń tóraǵasy qyzmetinen ketti
ALMATY. KAZINFORM – Almaty qalasy boıynsha Tekserý komıssııasynyń tóraǵasy Altaı Berdiqulov qyzmetinen ketti.
Almaty máslıhatynyń kezekten tys XXHІI sessııasy kezinde megapolıs boıynsha Tekserý komıssııasynyń tóraǵasyn laýazymynan bosatý máselesi qaraldy.
Altaı Berdiqulov óz erkimen jumystan ketý týraly ótinish bildirgen. Oǵan QR Joǵary aýdıtorlyq palatasy kelisim berdi. Máslıhat sessııa kezinde depýtattar da oń daýys berip, ony laýazymynan bosatý týraly sheshim qabyldandy.
Almaty qalasy boıynsha Tekserý komıssııasy tóraǵasynyń mindetin atqarýshy qyzmetin ázirge Danııar Tórkeshev atqaratyn boldy.
Eske salaıyq, keshe Almaty ákiminiń orynbasary Ásem Núsipova qyzmetinen ketkenin jazǵanbyz.
Bıyl maýsym aıynda Tekserý komıssııasy Almaty ákimdiginiń birneshe kemshiligin kórsetken edi.