Almaty qalasy ákiminiń orynbasary taǵaıyndaldy
ASTANA. KAZINFORM — Almaty ákimi Darhan Satybaldynyń ókimimen jáne QR Prezıdenti Ákimshiliginiń kelisimimen Almaty qalasy ákiminiń orynbasary laýazymyna Oljas Smaǵulov taǵaıyndaldy, dep habarlaıdy qala ákimdiginiń baspasóz qyzmeti.
Oljas Muhtaruly Amerıkandyq halyqaralyq ýnıversıtetin, Kalıfornııa shtaty Pomona polıtehnıkalyq ýnıversıtetin, Jáńgir han atyndaǵy Batys Qazaqstan agrarlyq-tehnıkalyq ýnıversıtetin jáne London ekonomıka jáne saıası ǵylymdar mektebin támamdaǵan. Ekonomıka, memlekettik saıasat jáne basqarý salalarynda magıstr dárejesi bar.
Eńbek jolyn 2013 jyly Atyraý oblysy ákimi apparatynyń uıymdastyrý-ınspektorlyq jáne aqparattyq-taldaý bóliminiń bas mamany qyzmetinen bastaǵan.
Ár jyldary Atyraý oblysynyń Kásipkerlik jáne ındýstrıaldy-ınnovatsııalyq damý basqarmasynda basshylyq qyzmetter atqardy. Premer-mınıstr Keńsesiniń áleýmettik-ekonomıkalyq bóliminiń bas sarapshysy boldy.
2015–2019 jyldar aralyǵynda Aqtóbe oblysynda birneshe basshylyq qyzmette jumys istedi.
2019–2021 jyldary Premer-mınıstr Keńsesi basshysynyń orynbasary, Premer-mınıstrdiń keńesshisi qyzmetterin atqardy.
2021 jyly qarashadan bastap osy ýaqytqa deıin Prezıdent Ákimshiliginiń áleýmettik-ekonomıkalyq saıasat bólimi meńgerýshisiniń orynbasary qyzmetinde boldy.
Buǵan deıin Qorǵanys mınıstriniń orynbasary taǵaıyndalǵanyn jazǵan edik.