Almaty qalasy ákimdigi bıznesti qoldaıdy: kásipkerler úshin salyq júktemesin azaıtý usynyldy
ALMATY. KAZINFORM — 2026 jyldan bastap kúshine enetin jańa Salyq kodeksi aıasynda respýblıkada jeńildetilgen jáne bólshek salyq rejımderi 4% mólsherlememen biriktiriledi.
Osyǵan oraı Almaty qalasy ákimdigi kásipkerlerge qosymsha qoldaý kórsetip, bıznes júrgizýge qolaıly jaǵdaı jasaý bastamasyn kóterdi.
Qala ákimi Darhan Satybaldynyń tóraǵalyǵymen ótken keńes qorytyndysy boıynsha, 2026 jyldan bastap jańa jeńildetilgen salyq rejımin qoldanatyn barlyq kásipker úshin tıimdi mólsherlemeni 3% deńgeıinde belgileý týraly máseleni Máslıhattyń qaraýyna shyǵarý jóninde sheshim qabyldandy.
Bul shara shaǵyn jáne orta bıznestiń salyqtyq turaqtylyǵyn saqtaýǵa, qosymsha ınflıatsııalyq táýekelderdiń aldyn alýǵa jáne B2C-segmenttegi nysandardy úı mańyndaǵy dúkender, shashtarazdar, sheberhanalar men turmystyq qyzmet kórsetý oryndaryn qoldaýǵa múmkindik beredi.
Ákimdik usynǵan bastama kásipkerlerdiń memlekettik ınstıtýttarǵa degen senimin nyǵaıtyp, ınvestıtsııalyq ahýaldy turaqty saqtaýǵa jáne iskerlik belsendiliktiń ósýine yqpal etedi dep sanaıdy.