Almaty qalasy ákimi apparatyna jańa basshy taǵaıyndaldy

ALMATY. KAZINFORM — Almaty ákimi Darhan Satybaldynyń ókimimen qala ákimi apparatynyń basshysy qyzmetine Erlan Isabekov taǵaıyndaldy.

Erlan Shoıuly Isabekov ál-Farabı atyndaǵy Qazaq ulttyq ýnıversıtetin, «Bolashaq» baǵdarlamasymen Djordjtaýn ýnıversıtetin (AQSh) bitirgen. Qoldanbaly matematıka jáne ekonomıka mamandyqtary boıynsha magıstr dárejesi bar.

Eńbek jolyn Almaty qalasyndaǵy № 131 mektep-lıtseıinde matematıka pániniń muǵalimi bolyp bastaǵan.

2000-2002 jyldary Memlekettik kirister mınıstrliginde qyzmet atqardy. 2002-2008 jyldary — Qarjy mınıstrliginiń Kedendik baqylaý komıtetinde jumys istedi.

2008-2009 jyldary Premer-Mınıstrdiń kensesinde qyzmet atqardy.

2009-2015 jyldary Respýblıkalyq bıýdjettiń atqarylýyn baqylaý jónindegi Esep komıtetinde basshylyq laýazymdarda qyzmet etti.

2015-2018 jyldary Prezıdent Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń ınspektory qyzmetin atqardy.

2018-2023 jyldary Aqmola oblysy Egindikól aýdanynyń jáne Jetisý oblysy Qaratal aýdanynyń ákimi boldy.

Osy taǵaıyndaýǵa deıin Prezıdent Ákimshiligi Memlekettik baqylaý bóliminiń memlekettik ınspektory bolyp jumys istegen.

Osyǵan deıin Almaty qalasy ákiminiń kommýnıkatsııa jáne BAQ-pen jumys boıynsha keńesshisi taǵaıyndalǵany týraly jazǵan edik. 

Sondaı-aq Serik Janaıdarov Almaty qalasy memlekettik múlik jáne jekeshelendirý departamentiniń basshysy bolǵany týraly jazǵanbyz.