Almaty qalalyq máslıhatyna jańa depýtat saılandy

ALMATY. KAZINFORM — QR «Saılaý týraly» zańyna sáıkes, «Amanat» partııasynyń tizimi boıynsha máslıhat depýtatynyń bos mandaty Krıstına Bekmyrzaevaǵa berildi.

Krıstına Bekmyrzaeva – elimizdegi júıeli mádenı jáne áleýmettik bastamalardyń jetekshi kóshbasshylarynyń biri. Almaty qalasynyń týmasy, ol óner salasyndaǵy joǵary bilimdi O. Tansyqbaev atyndaǵy Almaty kórkemsýret ýchılışesin, T. Júrgenov atyndaǵy Qazaq ulttyq óner akademııasyn jáne FH Aachen - University of Applied Sciences oqý ornyn támamdaǵan.

2018 jyldan beri «Amanat» partııasynyń múshesi.

– Krıstına Bekmyrzaeva ózin jaýapty ári bastamashyl kóshbasshy retinde kórsete bildi. Ýrbanıstıka, mádenıet jáne áleýmettik saıasat salasyndaǵy onyń tájirıbesi almatylyqtardyń ómir súrý sapasyn jaqsartýǵa jáne ózekti máselelerdi sheshýge qajetti bolady. Depýtattyq korpýstyń quramyndaǵy onyń jumysy qala damýyna eleýli úles qosatynyna senemin, – dep atap ótti Almaty qalasy máslıhatynyń tóraǵasy Meıirjan Otynshıev.

Eske salaıyq, buǵan deıin depýtat Ásııa Aqanova óz ókilettigin merziminen buryn toqtatyp, Almaty ákimi Erbolat Dosaevtyń ókimimen qalanyń qoǵamdyq densaýlyq saqtaý basqarmasy basshysynyń mindetin atqarýshy bolyp taǵaıyndalǵan bolatyn.