Almaty qalalyq keden zerthanasynyń basshysy para alǵany úshin 7 jylǵa sottaldy

ALMATY. KAZINFORM — Almaty qalasynyń Almaly aýdandyq soty Qalalyq ortalyq keden zerthanasynyń basshysy A. Satybaldıev pen bas maman B. Álibekovti sottady. Bul týraly Sybaılas jemqorlyqqa qarsy is-qımyl agenttigi málim etti. 

«Olar kásipkerlik sýbektileriniń ókilderinen keden sarapshylarynyń qorytyndylaryn jedeldetip bergeni úshin birneshe ret para alǵany úshin kináli dep tanyldy», — delingen agenttik habarlamasynda. 

Satybaldıev pen Álibekovke memlekettik jáne kvazımemlekettik mekemelerde qyzmette laýazymdardy atqarý quqyǵynan ómir boıyna aıyra otyryp, árqaısysyna 7 jyl bas bostandyǵynan aıyrý jazasy taǵaıyndaldy. 

Sol úkimmen keden brokerleri Nıkolas V., Kazantseva S. jáne Garýnı S. atalǵan laýazymdy tulǵalarǵa para bergeni úshin aıyppul salýǵa sottaldy.

Sot aktisi zańdy kúshine engen joq.

Eske sala keteıik, buǵan deıin SQO-da aýdandyq bilim bóliminiń býhgalteri sottalǵanyn jazǵan bolatynbyz.