Almaty-Ystyqól joly qashan salynady – Saýranbaev jaýaby
ASTANA. KAZINFORM – Almaty men Ystyqkól arasyn tikeleı jalǵaıtyn joldyń tehnıkalyq-ekonomıkalyq negizdemesi ázirlenip jatyr. Bul týraly Májilistiń jalpy otyrysynda Kólik mınıstri Nurlan Saýranbaev aıtty.
Otyrysta depýtat Serik Erýbaev Almaty men Ystyqkóldiń arasynda jol salý máselesi birneshe ret kóterilgenin eske sala kele, mınıstrden: «Ol jol Qazaqstan men Qyrǵyzstan arasyn qysqartýmen qatar kásipkerlikti, týrızmdi damytýǵa yqpal etedi. Sol joldyń taǵdyry qaı satyda jáne sol joldyń boıyynda ótkizý pýnktin salý josparda bar ma?, - dep surady.
Saýalǵa jaýap bergen Kólik mınıstri bul máseleniń kóterilgeninen biraz ýaqyt bolǵanyn rastady.
- Azııa damý bankiniń granty arqyly atalǵan joldyń tehnıkalyq-ekonomıkalyq negizdemesin jasap jatyrmyz. Qujat osy jyldyń qarasha aıynda daıyn bolady. Sol kezde biz óz sheshimizdi sizderge baıandaıtyn bolamyz, - dedi Nurlan Saýranbaev.
Qazirgi ýaqytta palata otyrysynda depýtattar «2003 jylǵy 25 jeltoqsandaǵy Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Memlekettik shekara arqyly ótkizý pýnktteri týraly kelisimge ózgeris engizý týraly hattamany ratıfıkatsııalaý týraly» Qazaqstan Respýblıkasy zańynyń jobasyn talqylaýda.
Aıta keteıik, búginde Qazaqstan men Qyrǵyzstan arasynda 11 ótkizý pýnkti bar. Búginde onyń 8-inde jóndeý jumystary júrgizilip jatyr.