Almaty ıppodromynyń bolashaǵy qandaı bolmaq

ALMATY. KAZINFORM – Almaty ákimi qalalyq ıppodromnyń bolashaǵy týraly pikir bildirdi.

Jetisý aýdanynyń turǵyny Erbolat Dosaevtan Almaty ıppodromynyń bolashaǵy týraly surady.

— Meniń esimim — Valerıı Koshelskıı, Qazaqstannyń eńbek sińirgen jattyqtyrýshysymyn. Almaty ıppodromynyń bolashaǵy týraly bilsek. Óıtkeni at sportynyń ókilderi ózimizde jaqsy alańnyń bolǵanyna qaramastan Almaty oblysyna baryp jattyǵyp júr, - dedi ol.

Shahar basshysy bul máselege baılanysty kelissózder júrgizilip jatqanyn málimdedi. Onyń aıtýynsha, nysan ıeleri aldaǵy ýaqytta ıppodromdy damytý jobasyn tanystyrýy qajet.

— Biz qazir jaýapty kútip otyrmyz. Ippodromnyń nysandy maqsaty ózgermeýi kerek ekenin aıttyq. Óıtkeni biz ol jerde anaý-mynaý salady degen áńgime boldy. Biraq ókinishke qaraı, qazirgi ıppodrom ıeleriniń qarjylaı múmkindikteri úlken emes sekildi. Naýryzǵa qaraı jaýaby kelýi kerek. Eger ıeleri ony jańartpaıtyn bolsa, basqa ınvestor izdeımiz ne qala ózi ne isteýge bolatynyn sheshedi. Biraq bul arzan is emes, - dedi Erbolat Dosaev.

Eske salaıyq, buǵan deıin Almatydaǵy ıppodrom súrilip, ornyna jańa turǵyn úı kesheni salynýy qanshalyqty múmkin ekenin jazǵanbyz.