Almaty hokkeıiniń túlegi UHL jobasynda tańdaldy
ASTANA. KAZINFORM - Baffaloda UHL draftynyń ekinshi kúni bastaldy. Birinshi kúni komandalar 32 oıynshyǵa tańdaý jasady.
«Nıý-Iork Reındjers» qaqpashy Danaı Shaıyqovty jalpy 67 nómirmen tańdady. Ol - almatylyq hokkeı mektebiniń túlegi.
Ótken maýsymda 19 jastaǵy qaqpashy Kvebektiń negizgi jasóspirimder lıgasy turaqty chempıonaty aıasynda «Gatıno Olımpık» quramynda 50 oıyn ótkizdi. Onyń toıtarys berilgen soqqylar protsenti 90,3, senimdilik koeffıtsıenti 2.78 boldy.
Sondaı-aq hokkeıshi Qazaqstan quramasy sapynda halyqaralyu PSK kýbogy jastar týrnırinde baq synady. Onda Danaı Shaıyqov eki oıyn ótkizdi.
Aıta ketsek, drafttyń qorytyndy reıtınginde úsh qazaqstandyq hokkeıshi engizilgen. Olardyń qatarynda Semen Sımonov, Álisher Sarkenov jáne Korneı Korneev bar.
Eske salsaq, budan buryn astanalyq «Barys» Qurlyqtyq hokkeı lıgasyndaǵy 2026/2027 jylǵy maýsymda alǵashqy oıynyn qashan ótkizetini belgili boldy.
