Almaty haıýanattar baǵynda janýarlar jazǵy volerlerge kóshirildi
ALMATY. KAZINFORM – Almaty haıýanattar baǵy áleýmettik jelide janýarlardyń jazǵy volerlerge kóshirilgenin habarlady.
«Jaqsy jańalyǵymyz bar. Almaty haıýanattar baǵyndaǵy janýarlardyń bári jazǵy volerlerge kóshirildi. Endi zoobaq tirshiligi erekshe jandana bastaıdy. Dalada kún jylynyp keledi. Janýarlarymyz taza aýamen tynystap, kún sáýlesinen qýat alyp, sergek júretin bolady», - dep jazdy Instagram paraqshasynda zoobaqtyń baspasóz qyzmeti.
Aıta keteıik, Almaty haıýanattar baǵy kúndelikti saǵat 9:00-den 18:00-ge deıin jumys isteıdi. Kassalar 17:00-ge deıin ashyq.
Eske salsaq, «Almaty janýarlaryna kómek» qoǵamdastyǵy Almaty haıýanattar baǵyndaǵy aq aıýdyń jaǵdaıyna alańdaýshylyq bildirip, áleýmettik jelide jazba qaldyrdy. Óz kezeginde zoobaq ujymy zoobelsendilerdiń kótergen máseleleri shyndyqqa janaspaıtynyn aıtyp, jalǵan aqparatty taratý QR zańnamasyna sáıkes ákimshilik jáne qylmystyq jaýapkershilikke ákeletinin eskertken bolatyn.
