11:02, 09 Sáýir 2026 | GMT +5
Almaty haıýanattar baǵynda úsh kengýrý tóli dúnıege keldi
ALMATY. KAZINFORM — Almaty haıýanattar baǵynda qaltaly janýarlar sany kóbeıdi.
Resmı málimetke sáıkes, zoobaqta birden úsh tól dúnıege keldi. Sur kengýrýlar Lord pen Laradan, sondaı-aq Tık pen Lındadan eki tól týǵan.
— Lara altynshy ret tóldese, Lında alǵash ret týyp otyr. Al jıren kengýrýlar Martın men Martadan taǵy bir erkek tól dúnıege kelgen. Dástúr boıynsha Almaty haıýanattar baǵy jańa týǵan tólderge at qoıýǵa kópshilikti shaqyrady. Eki kengýrýdyń jynysy áli belgisiz bolǵandyqtan, olarǵa erkekke de, urǵashyǵa da jarasatyn ámbebap esimder usynýǵa bolady, — dep habarlady haıýanattar baǵynan.
Eske salaıyq, byltyr Almaty haıýanattar baǵynda 31 túrli janýardan 87 tól dúnıege keldi.