Almaty haıýanattar baǵynda totyqustardyń qatary tolyqty
ALMATY. KAZINFORM — Almaty haıýanattar baǵynda birden totyqustyń eki túri balapan basty.
Zoobaq málimetinshe, keıingi jyldary alǵash ret haıýanattar baǵynda ala rozella totyqustarynan balapan alyndy. Mamyr aıynda osy jup bes balapan basyp shyǵardy. Bul haıýanattar baǵy úshin aıtýly oqıǵa bolǵan.
Odan bólek kishi saqınaly totyqustar juby mamyr aıynda úsh balapan basyp shyǵarǵan. Bul qustar birneshe jyldan beri turaqty túrde urpaq órbitip keledi. Byltyr olar eki balapan bassa, bıyl aqpanda jáne mamyrda eki ret balapan basyp shyǵardy.
— Balapannyń shyǵýy — olardyń ózin jaıly sezinetininiń basty kórsetkishteriniń biri. Ásirese, ala rozella totyqustarynyń balapan basýy biz úshin erekshe qýanyshty jańalyq. Bul qustardy qunarly azyqpen qamtamasyz etip, turaqty veterınarlyq baqylaý júrgizip, tabıǵı ortaǵa barynsha jaqyn jaǵdaı jasap júrgen mamandarymyzdyń kúndelikti eńbeginiń nátıjesi. Aldaǵy ýaqytta da qanatty mekendeýshilerimiz bizdi jańa balapandarymen qýanta beredi dep senemiz, — dedi Almaty haıýanattar baǵynyń ekzotıkalyq qustar bóliminiń jetekshisi Aıjan Sybanbekova.
Eske salaıyq, buǵan deıin Almaty haıýanattar baǵynda kerqulan qulyndaǵanyn jazǵanbyz.
