Almaty haıýanattar baǵynda qandaı jolbarystar ómir súredi
ALMATY. KAZINFORM – Almaty haıýanattar baǵy zoobaqta ómir súretin jolbarystardyń otbasylary jaıynda jelide jazdy.
Almaty haıýanattar baǵynda «Asyl tuqymdylar» kitabyna engen Ýrman atty erekshe Amýr jolbarysy ómir súredi.
«Bul jolbarys bizge bir jasynda Reseıdiń Perm qalasyndaǵy zoobaqtan ákelingen. Qazir ol - 13 jasta. Qart janýar sanalǵandyqtan ol Amýr jolbarystaryn qorǵaýdyń halyqaralyq baǵdarlamasyna qatysýshy retinde «Asyl tuqymdylar» kitabyna engizilgen. Osy baǵdarlama aıasynda jup retinde oǵan Máskeý zoobaǵynan alynǵan Tasha esimdi jas urǵashy tańdap alyndy. Tasha ótken jyly Almaty haıýanattar baǵyna, Ýrmannyń qasyna jetkizildi. Aldaǵy ýaqytta Ýrman men Tasha jubynda kishkentaı jolbarystar ómirge keledi dep úmittenemiz», - dep jazdy zoobaq ujymy.
Sondaı-aq zoobaqta jolbarystardyń taǵy bir otbasy turady.
«Bentlı – Astana tsırkinen 2021 jyly ákelingen, shıraq qımyldaıtyn jas jolbarys. Jaqynda ol 5 jasqa tolady. Maıa, Zoıa, Aııa jáne Sherhan atty kishkentaı jolbarystar 2021 jyly ómirge kelgen. Al urǵashy jolbarystar – erekshe súıkimdi Nur men Nadejda bizge Baký zoobaǵynan ákelingen», - dep habarlady zoobaqta.
Zoobaqtyń málimetinshe, haıýanattar baǵynda ómir súretin barlyq jolbarystyń jaǵdaıy jaqsy.
Posmotret etý pýblıkatsııý v Instagram
