Almaty haıýanattar baǵynda áıel arystanǵa tas laqtyrǵan
ALMATY. KAZINFORM — Almaty haıýanattar baǵynda kelýshilerdiń biri arystanǵa tas laqtyrǵan. Bul týraly zoobaqtyń baspasóz qyzmeti habarlady.
Oqıǵa kezinde kelýshi janýardyń nazaryn aýdarmaq bolyp, oǵan tas laqtyrǵan.
Zoobaq ákimshiligi mundaı áreketterdiń kelýshiler úshin belgilengen erejelerge qaıshy keletinin eske saldy.
— Janýarlarǵa qandaı da bir zat laqtyrýǵa, qorshaýlardy qaǵýǵa, olardy ádeıi mazalaýǵa nemese úrkitýge qatań tyıym salynady. Mundaı áreketter janýarlarǵa kúızelis týdyryp, densaýlyǵyna kesirin tıgizýi múmkin, — delingen habarlamada.
Oqıǵadan keıin haıýanattar baǵynyń ákimshiligi beınebaqylaý kameralaryndaǵy jazbalardy jınap, materıaldardy quqyq qorǵaý organdaryna joldaǵan. Qazirgi ýaqytta qoldanystaǵy zańnama aıasynda tıisti sharalar qabyldaý máselesi qarastyrylyp jatyr.
Zoobaq ókilderi kelýshilerdi janýarlarǵa qurmetpen qarap, belgilengen tártip erejelerin saqtaýǵa úndedi.
Eske salaıyq, buǵan deıin Almaty zoobaǵynda birneshe nysan janyp ketkenin habarlaǵanbyz.
