Almaty halqy 15 jyl ishinde 3,6 mln turǵynǵa jetýi múmkin

ALMATY. KAZINFORM — Almaty qalasy Óńirlik kommýnıkatsııalar qyzmetiniń alańynda «Almatybasjospar» ǵylymı-zertteý ınstıtýtynyń bas dırektory Ashat Sadýov osyndaı pikir bildirdi.

Onyń aıtýynsha, jańa boljam boıynsha 2030 jylǵa qaraı qalanyń halqy 2 mln 750 myń adamǵa jetedi, al taǵy on jyldan keıin 3,6 mln bolady.

— Biz barlyq polıortalyq boıynsha turǵyndar tyǵyzdyǵyn teńdeı bólýdi josparlap otyrmyz. Jańa Alataý qalasyn jáne oǵan irgeles aglomeratsııany eskeremiz. Turǵyn úı renovatsııasy jáne buryn belgilengen bes polıortalyqty eskere otyryp, qalanyń syıymdylyǵy muny júzege asyrýǵa múmkindik beredi. Halyq ósiminiń 35 paıyzy — tabıǵı ósim, al 65 paıyzy — mehanıkalyq ósim, ıaǵnı kóshi-qon esebinen bolmaq, — dedi ol.

Eske salaıyq, buǵan deıin Ulttyq statıstıka bıýrosynyń málimetinshe, Qazaqstannyń jeti óńirinde halyq sany 1 mln adamnan asatynyn jazǵanbyz.

Olar: Almaty qalasy, Túrkistan oblysy, Almaty oblysy, Astana qalasy, Shymkent qalasy, Jambyl oblysy jáne Qaraǵandy oblysy.