Almaty áýejaıynda Maılın kóshesi jaǵynan negizgi kireberis ashyldy
ASTANA. KAZINFORM — Almaty halyqaralyq áýejaıy jolaýshylar men kelýshilerge áýejaı aýmaǵyndaǵy kólik qozǵalysyn uıymdastyrýdaǵy ózgerister týraly habardar etti.
Áýejaı arkasyn rekonstrýktsııalaý jumystarynyń aıaqtalýyna baılanysty Maılın kóshesi jaǵyndaǵy negizgi kireberis endi eki baǵytta — kirý jáne shyǵý úshin ashyq.
— Maılın kóshesi jaǵynan vokzal mańy aýmaǵyna kirý jáne odan shyǵý úshin 11 jolaq qoljetimdi: 4 jolaq — kirýge, 7 jolaq — shyǵýǵa arnalǵan, — dep habarlady áýejaıdyń baspasóz qyzmeti.
Sonymen qatar «Aqsuńqar» qonaq úıiniń janynda ornalasqan eki kireberis endi tek ekinshi qabatqa, T1 jáne T2 termınaldarynyń ushý aımaqtaryna ótý úshin paıdalanylady.
Jabyq avtoturaq keshenin paıdalanýshylar úshin Zakarpatskaıa kóshesine tikeleı shyǵý joly qarastyrylǵan.
Áýejaı jolaýshylar men qonaqtarǵa jol baǵytyn josparlaý kezinde ózgeristerdi eskerip, áýejaı aýmaǵyndaǵy jol belgilerine nazar aýdarýdy usyndy.
— Jańartylǵan qozǵalys syzbasy kólik aǵynyn tıimdirek bólýge jáne termınaldar men áýejaıdyń avtoturaq ınfraqurylymyna qoljetimdilikti jaqsartýǵa múmkindik beredi, — delingen habarlamada.
Eske salaıyq, buǵan deıin Almaty áýejaıynda urlyqtan keıin baqylaýǵa alynbaǵan aýmaqtarǵa kamera qoıylǵanyn jazǵanbyz.
