Almaty halyqaralyq áýejaıynda Avıatsııa murajaıy ashyldy
ALMATY. KAZINFORM - Almaty áýejaıynyń halyqaralyq termınalynda Avıatsııa murajaıy ashyldy.
Almaty halyqaralyq áýejaıynyń prezıdenti Goker Kose áýejaıdy basqaryp otyrǵan kompanııa Qazaqstannyń tarıhı jáne áleýmettik-mádenı murasyn saqtaý men nasıhattaýǵa úles qosýǵa umtylatynyn aıtty.
- Biz bul murajaıdy Qazaqstan halqyna, sondaı-aq Almaty turǵyndary men qonaqtaryna Qazaqstan Respýblıkasynyń Táýelsizdik kúni qarsańynda tartý retinde maqtanyshpen usynamyz, - dedi ol.
Murajaı 1947 jyldan bastap álemdik qaıratkerler men saıahatshylar úshin Qazaqstannyń basty «qaqpasy» bolǵan eski VIP-termınaldyń tarıhyn baıandaıdy. Murajaı ekspozıtsııasynda mańyzdy oqıǵalar men sáýlet erekshelikterin kórsetetin sırek arhıvtik fotosýretter, ınteraktıvti eksponattar jáne basqa da qyzyqty materıaldar usynylǵan. Murajaı áýejaıdyń barlyq qonaqtary úshin ashyq.
Eske salaıyq, buǵan deıin Almaty halyqaralyq áýejaıy avtoturaq tarıfin kótergenin jazǵanbyz.
