Almaty halyqaralyq áýejaıy jańajyldyq merekeler kezinde kúsheıtilgen rejımde jumys isteıdi
ALMATY. KAZINFORM – Almaty halyqaralyq áýejaıy jańa jyl merekeleri kezinde jolaýshylar sanynyń aıtarlyqtaı artýyna baılanysty kúsheıtilgen jumys rejımine kóshedi.
Osy kezeńde áýejaıdyń barlyq negizgi qyzmeti qatań tártippen jumys isteıdi.
– Qosymsha aýysymdar engizilip, qaýipsizdik sharalary keńeıtilip, jolaýshylar aǵynyn retteý jáne áýejaı operatsııalarynyń jyldamdyǵy kúsheıtiledi, - delingen habarlamada.
Áýejaı ákimshiligi jolaýshylarǵa reıske keminde eki saǵat buryn kelýdi, belgilengen talaptardy saqtaýdy jáne áýejaı qyzmetkerleriniń nusqaýlaryn oryndaýdy usyndy. Bul barlyq rásimdi yńǵaıly jáne ýaqytyly ótýge múmkindik beredi.
Eske salaıyq, buǵan deıin Almaty áýejaıy Ortalyq Azııadaǵy alǵashqy arnaıy muzdanýǵa qarsy óńdeý alańy iske qosylǵanyn habarlaǵan edi.
