Almaty halyqaralyq áýejaıy avtoturaq tarıfin kóteredi

ALMATY. KAZINFORM — Almaty halyqaralyq áýejaıy 2025 jyldyń 1 qańtarynan bastap áýejaı aýmaǵyndaǵy alańda jáne jabyq turaq kesheninde kólik quraldarynyń turaǵy úshin tarıf ózgeretinin málimdedi.

— Almaty halyqaralyq áýejaıy keler jyldyń 1 qańtarynan bastap turaq qyzmetteriniń sapasyn arttyrýǵa baǵyttalǵan jumystar men shyǵyndaryn eskere otyryp, áýejaıdyń kólik turaqtaryna jańa tarıfter engiziletinin habarlaıdy. Biz turaq qyzmetin jaqsartýǵa umtylyp, ony únemi jańartyp, jetildirip otyramyz. Jańǵyrtý sharalaryna ekinshi qabatqa arnalǵan jańa kireberis pandýsty salý, turaq oryndaryn keńeıtý arqyly suranysty qanaǵattandyrý, sondaı-aq kólik nómirlerin avtomatty túrde taný júıeleri sııaqty zamanaýı tehnologııalardy engizý kiredi. Bul ózgerister barlyq tutynýshylarymyz úshin qaýipsizdik pen jaılylyqty qamtamasyz etýge baǵyttalǵan, - dep habarlady Almaty áýejaıynyń baspasóz qyzmeti.

Vokzal mańy alańynyń aýmaǵy jáne jabyq turaq kesheni:

15 mınýtqa deıin - táýligine eki retten artyq tólemsiz;

15 mınýttan 1 saǵatqa deıin - 600 teńge;

1 saǵattan 2 saǵatqa deıin - 850 teńge;

2 saǵattan 4 saǵatqa deıin - 1 200 teńge;

4 saǵattan 6 saǵatqa deıin - 1 800 teńge;

6 saǵattan 12 saǵatqa deıin - 2 800 teńge;

12 saǵattan 24 saǵatqa deıin - 4 200 teńge;

24 saǵattan joǵary, odan keıingi tolyq jáne jarty táýlik úshin – 6 000 teńge.

Áýejaı sonymen qatar ońtústik avtoturaq aımaǵyndaǵy tarıf qunyn usyndy:

15 mınýtqa deıin - táýligine eki retten artyq tólemsiz;

15 mınýttan 1 saǵatqa deıin - 350 teńge;

1 saǵattan 2 saǵatqa deıin - 500 teńge;

2 saǵattan 4 saǵatqa deıin - 700 teńge;

4 saǵattan 6 saǵatqa deıin - 950 teńge;

6 saǵattan 12 saǵatqa deıin - 1 700 teńge;

12 saǵattan 24 saǵatqa deıin - 2 400 teńge;

24 saǵattan joǵary, odan keıingi tolyq jáne jarty táýlik úshin – 3 600 teńge.

Osyǵan deıin Almaty áýejaıynda kólikterge arnalǵan qosymsha kireberis ashylǵany týraly jazǵan edik.