Almaty emhanalarynda jyl sońyna deıin tolyqtaı Face ID júıesi engiziledi

ALMATY. KAZINFORM - Almaty emhanalarynda patsıentterdi sáıkestendirý úshin Face ID júıesi engiziledi.

Almaty ákimdiginiń málimetinshe, Face ID tehnologııasy medıtsınalyq eseptiń ashyqtyǵyn arttyrýǵa múmkindik beredi. Bul júıeden bólek emdelýshiler medıtsınalyq mekemege barǵanyn «Sandyq qujattar» qyzmetiniń alty tańbaly kody arqyly rastaı alady.

Qazirgi ýaqytta Face ID qalalyq emhanalardyń 70%-ynda qoldanylady. Jyl sońyna deıin júıe Almatynyń barlyq emhanalarynda engizý josparlanǵan.

— Densaýlyq saqtaý salasyna tsıfrlyq tehnologııalardy engizý — bul medıtsınalyq qyzmetterdiń sapasyn arttyrýǵa baǵyttalǵan qadam. Face ID emdeýdi taǵaıyndaý, ambýlatorııalyq dári-dármekpen qamtamasyz etý úshin retsept jazý kezinde mańyzdy. Biz qala turǵyndary úshin medıtsınalyq qyzmetterdi qoljetimdi ári yńǵaıly etý úshin alǵashqy medıtsınalyq-sanıtarlyq kómekti tsıfrlandyrý boıynsha jumysty jalǵastyramyz, — dedi Almaty qalasy Qoǵamdyq densaýlyq saqtaý basqarmasynyń basshysy Ásııa Aqanova.

Eske salaıyq, buǵan deıin Almatyda 4 myńǵa jýyq adam sot sheshimimen júrgizýshi kýáliginen aıyrylǵanyn jazǵanbyz.